• 2010/12/20

    و، مەنىڭ ماحاباتىم - [ولەڭدەر]

    و، مەنىڭ ماحاباتىم ماقپال قارا،

    سەن مەنىڭ سەزىمىمدى قاقپايلاما.

    ءبىز دەگەن بۇل ءومىردىڭ قوناعىمىز،

    جەلىپ ءوتىپ كەتەتىن اتتاي عانا.

    جۇرەگىڭنىڭ قاقپاسىن قاعىپ تۇرمىن

    جەر شارىنان تياناق تاپپاي عانا.

     

    ايىرباستاپ باقىتتى باس پايداعا،

    ارۋمىن دەپ اياۋلىم اسپانداما.

    بالالىعىڭ باسىم بوپ باسقا جەردە

    باسقالار باسىپ جۇرمە باسقا ايلاعا.

    وتكەنڭە ۇڭىلىپ وڭاشادا،

    كەلەر كۇنگە كوزسالشى ساسپاي عانا.

    جەرىڭە جەتپەي جاتىپ اتتانداما...

     

    سەن مەنىڭ سەنىمىمە سەرىك ەدىڭ،

    سەن مەنىڭ وتىمدى ۇرلەر كورىك ەدىڭ.

    العاشقى ماحابباتتىڭ اپپاق گۇلىن

    وزىڭمەن بىرگە عانا تەرىپ ەدىم .

    ايلى تۇن قۇشاعىندا ارۋىمدى

    جۇلدىزدار اراسىنان كورىپ ەدىم .

    تاڭدا تۋعان شولپانداي شولپىلىمدى

    باق جۇلدىزىم بولار دەپ سەنىپ ەدىم.

    ال بۇگىن باقتىمنىڭ بال شىرىنى

    ويلادىمبا قولىمنان توگىلەرىن.

    ءتاڭىر مەنى قويعانى اي قيالاتپاي

    قيتىعىنا ءتيدى ەكەم تەگى نەنىڭ؟!

     

    ****************************************************

     

     

    分享到: