• 2010/10/25

    الامان ايتىس اۋىلدا ، ءنار بەردى بارشا قاۋىمعا - [حابار - وشار]

    الامان ايتىس اۋىلدا ، ءنار بەردى بارشا قاۋىمعا

    بەكمۇقامەت نۇردانبەك ۇلى

     قازاننىڭ 21-، 22- كۇندەرى گۇل كۇنەستىڭ بار دالاسىنا باياشات تۇرمىستىڭ بازارلىعىن سيلاعان تاعى ءبىر كولەمدى قيمىل بولىپ ءوتتى. مىنە بۇل كۇنەس اۋدانىنىڭ جىلىنا ءبىر كەزەك وتكىزىلەتىن مارەسى بيىك، ءمانى زور ، حالىققا رۋحاني ءنار باعىشتاعان 26- كەزەكتى اقىندار ايتىسى ەدى. جۋىرداعى جىلداردان بەرى پارتيا مەن ءار دارەجەلى وكىمەت تاراۋلارى از ۇلىتتاردىڭ ءداستۇرلى مادەنيەتىنە ءمان بەرۋدەي نۇر شۇعىلاسىنىڭ شۋاعىندا جايقالا ءوسىپ كەلە جاتقان مايەكتى مادەنيەتىمىزدىڭ ءبىرى وسى اقىندار ايتىسى. كۇنەس اۋدانى ورتالىق پەن اۆتونوميالى رايوننىڭ از ۇلتتارعا قاراتقان تيىمدى ساياساتىنان ۇتىمدى پايدالانىپ ، جەرگىلىكتى حالىقتىڭ ۇلىتتىق سالىت -داستۇرىنە سالقىن تيگىزبەۋ ماقساتىندا ءار جىلى قازاق ۇلتىنىڭ ءداستۇرلى مەرەكەسى بولعان ناۋرىز مەرەكەسى مەن اقىندار ايتىسى سىندى كولەمدى قيمىلداردى ۇزبەي وتكىزىپ،سوتسياليستىك رۋحاني وركەنيەت قۇرلىسىنا بەلسەنە ۇلەس قوسىپ كەلەدى. بۇل رەتكى الامان ايتىس وتكەن جىلدارعا قاراعاندا كولەمدى ، فورما جاعىنان دا الۋان تۇرلى بولىپ، باي مازمۇندى بولۋعا كەپىلدىك ەتىلدى. ەڭ اۋەلى بۇل رەتكى اقىندار ايتىسىنىڭ كۇنەس اۋدانىنىڭ سيمولى، ءارى ورتالىعى بولعان اۋداندىق حالىق الاڭىندا وتكىزىلۋى ەدى.21- قازان اۋداندىق حالىق الاڭىنداعى ساحنانىڭ ەكى جانىنا اق شاعالاداي التى قانات اق وردادان التاۋى تىگىلىپ، ساحنا ءارى ايبىندى،ءارى ۇلىتتىق ەرەكشەلىگى كورنەكتىلەندىرىلىپ جوبالاندى.حالىق الاڭىنا جيىلعان جۇرت تۇگەلدەي رەتتى، ۇلىتتىق كيىم كيىپ ارناۋلى قويىلعان ورىندىقتارعا جايعاستى.ساعات 10 دا ايبىندى مەملەكەت ءانى ورىندالىپ،جالپى حالىق تەگىس ورىندارىنان تۇرىپ مەملەكەت تۋى شىعارىلدى.كۇنەس اۋدانى تورت باسشىلىق القاسىنداعى نەگىزگى باسشىلار،اۋدانعا قاراستى مەكەمە-ورگانداردىڭ ، اۋىل قالاشىقتىڭ ۋاكىلدەرى،قارت كادىرلارمەن پەنسيونەر، ەڭبەك وزاتتار ۋاكلدەرى،ءارقايسى اۋىل - قالاشىقتىڭ كەستەشىلىك ،قولونەرشىلىك ،اس -سۋ،ۇلىتتىق تاعامداردى مانەرلەۋ قوعامىنىڭ ۋاكىلدەرى،سونداي - اق كۇنەس اۋدانى كولەمىندەگى الىمدى اقىندار مەن جاس جەتكىنشەك اقىن - تەرمەشىلەردەن 36 ونەرپاز قاتىناسىپ بۇل رەتكى سالتاناتتى جينالىستىڭ ءسانىن اسىردى. باستالۋ اياقتالعاننان كەيىن بۇل رەتكى اقىندار ايتىسنا ارنالعان شاعىن كونسەرت نومىرلەرى قويىلىپ،اسقاقءان،كۇمبىرلى كۇي كۇنەستىڭ حالىق الاڭىنان اسپانداپ،بارشا جۇرتتىڭ جۇرەگىن تەربەدى.ارىنى ادۋىن اقىندار مەن تاڭدايى جەز تەرمەشىلەر كەزەك-كەزەگىمەن ساحناعا شىعىپ، الاڭداعى جۇرتتىڭ ايىزىن قاندىرىپ،مىناۋ اتادان قالعان اسىل ونەردىڭ قۇدىرەتىن قۇندىلاپ،شات زاماننىڭ شاراپاتىن جىرلادى. الامان ايتىس مايدانىنىڭ ءبىر شەتىندە قازاقي كيىم - كەشەك، ويۋ- ورنەك، كەستەشىلىك ونەرى باسەكەسى، قازاقي ىدىس- اياق،قازاقي تاعامدار كورمە باسەكەسى،اعاشتان جاسالعان قولونەر بۇيىمدارى كورمەسى سىندى ماۋەلى مادەنيەتىمىزگە مانسۇپ ءبىر قىدىرۋ باسەكەلەردىڭ بارانى بايقالىپ،ءار ۇلىت جۇرتشىلىعىنىڭ نازارىنا ۇلىتىمىز ءداستۇرىنىڭ دابىلى قاعىلىپ جاتتى. تۇس اۋا ايتىس شاراپاتىنا شاشىلعان شاشۋ سىندى اسپاننان اق نوسەر بوراپ،الاماندا شيرىققان اقىندار كوڭىلىن سالقىن اۋامەن سۋاردى. تىنىستى تياتىرحانادان جالعاسىن تاپقان بۇل كەزەكتى ايتىس 22- قازان تۇستەن كەيىن،باۋىرجان،جاقىپنۇر،قۇرمانجان قاتارلى ءادىل قازىلارالقاسىنىڭ ءادىل باعالاۋىندا قارا ولەڭنەن قايىق مىنگەن،باي ءتىلدى اقىن باقىتالى تىلەۋبەردى ۇلىنىڭ باس بايگەنى الۋىمەن،جاي وتىنداي جارقىلى بار جالىندى اقىن جارقىنبەك پەن پايىمدى اقىن پاتىعالىنىڭ 2- دارەجەنى ، قارىمدى اقىندار قاسەننۇر،قىزىر،نۇرسۇلتان،ەرسىن،جايدارقانداردىڭ 3- دارەجەنى الۋىمەن ،سونداي- اق، توگىلدىرىپ ايتقان تەرمەسى بار تەرمەشىلەردەن كۇليقان باس بايگەنى، ەرنۇر،قۇشتارلار 2- دارەجەنى،نۇركەلدى،بەرىكبول قاتارلى تەرمەشىلەردىڭ 3- دارەجەنى ەنشىلەۋىمەن، ارناۋلى جاس اقىندارعا الىپ بارىلعان باعالاۋدا ءمولدىر، ماعاز ، قالي سىندى جەتەر جەرىن جەتى بەلدىڭ ارجاعىنان كوزدەپ جەتەلىلىك تانىتقان جەتكىنشەك اقىندار « جاس قانات » سيلىعىن الۋمەن الامان ايتىس سوڭىنا شىقتى. الامان ايتىستى ۇيىمداستىرۋعا جاۋاپتى بولعان اسابا ورىن زەكتى قالاشىعى بۇل رەتكى جينالىستىڭ تابىستى تۇردە وتكىزىلۋىنە جالپى جاقتان جۇيەلى جۇمىستار تىندىردى. سوڭىندا ايتىستىڭ اق تۋى مەن گەرىبن كەلەر جىلعى وتكىزۋشى ورىن بەستوبە اۋىلىنا ءساتتى تۇردە وتكىزىپ بەرىپ ،اقىنىن قولداپ،جىرىنا قۇشتار جۇرتتى كەلەر جىلعى الامان بايگەدە اماندىقپەن جۇزدەسۋگە شاقىردى.

    الامان ايتىستان كورىنىستەر

    分享到: