• 2010/06/30

    ۋينۋەرسيتەتتىڭ ءبىرىنشى جىلى ( كۇندەلىك قاتىرەمنەن ۇزىندى ) - [تاڭداۋلى ماقالالار]

     ۋينۋەرسيتەتتىڭ ءبىرىنشى جىلى :

    مەكتەپكە العاش كەلگەندە ماعان وتە توسىن اسەر بەردى . جات ەل ، جات جەر بارى دە بەيتانىس سەزىلدى . دەگەنمەن ، ونداعى بىزدەن  بۇرىن بارعان قازاق وقۋشىلار ، اعالىق اقىلىمەن ، اپەكەلىك سالاۋاتىن تانىتتى، ءبىزدى اۆتوكولىكتىڭ ەسىگىنەن قارسى الىپ، قۇشاعىن كەڭ جايدى.جاڭادان بارعان ءبىز ءۇشىن ەسىگى مەن تەسىگى بەيمالىم بۇل مەكتەپتەگى تۇرلى تىزىمدەلۋ راسىمياتتارىن زىر جۇگىرىپ وزدەرى بىتىرىپ بەرىپ جۇر. سوڭىنان ءبىزدى جاتاققا ورنالاستىرۋ كەرەك جاراق نارسە ساتىپ الۋ دەيسىزبە ايتەۋىر ۇلكەن - كىشىلى جۇمىستارىمىزدىڭ بارىنە باستاماشى بولىپ ءجون كورسەتىپ جۇر. ساباق باستالۋ الدىنداعى جاڭادان قابىلدانعان وقۋشىلار ءۇشىن ارنايى 15 كۇندىك اسكەري ماشىق قيمىلى دا  باستالىپ تا كەتتى . ىڭعاي سارالا كيىم كيىنگەن سالداتتارداي ساپقا تۇردىق.قىركۇيەك اينىڭ باسى، سالقىن تارتار كۇز ايى بولعانىمەن وڭتۇستىكتىڭ شىلىڭگىر ىستىعى ، توبەڭىزدەن ءوتىپ ، تابانىڭىزعا جەتەردەي.تاربيەشىمىزدىڭ جەر جارعان ىسقىرىق ۇنى ىشىندە، تاڭەرتەڭگى ساعات 5جارىم دا ورنىمىزدان جاپا- تارماعاي تۇرىپ ، بەتى قولىمىزدى ازەر جۋىپ ۇلگىرىپ، اسحاناعا قاراي جۇگىرە جونەلەمىز.قۇرساققا بىرەر تۇيىر اس تۇسكەنشە بول بولدىڭ استىنان الىپ تاقىمدايدى دا تۇرادى. سوسىن مايدانعا شىعامىز ءبىر ەكى ءبىر .... ماشىق ارەكەتتەرى باستالىپ كەتە بەرەدى. وسىلايشا تۇپ تۋرا 15 كۇندىك جاپالى جاتتىعۋ ارقىلى جىگەرىمىزدى شىڭداپ،كۇرەسشەڭدىك رۋحمىزدى سومداعان بولامىز. سوڭىنان رەسىمي ساباق ۇيرەنۋ باسقىشىنا دا وتتىك . ءا دەگەندە ، بۇكىل شينجياڭنىڭ جەر جەرىنەن كەلگەن بەيتانىس جاندارمەن  تانىستىق جاساسىپ، ساباقتاستىق ءومىردىڭ العاشقى باسقىشىنا قادام تاستادىق. كىلاسىمىزدا العاشىندا 40 نەشە وقۋشى بولدى. مۇنىڭ كوپ ساندىسى ۇيعىر وقۋشىلار ەدى . ءبىز 9 قازاق ءبىر كىلاستا تابىستىق. كەيىن مۇنىڭ بىرەۋى سەميا قيىنشىلعى سەبەبىنەن وقۋدان قول ۇزدى . سونىمەن قازاقتاردان كىلاسىمىزدا 4 ۇل . 4 قىز بولىپ باسقالارعا قاراعاندا تەز ءتىل تابىسىپ كەتتىك.جاڭا ورتا،جاڭا ادام، جاڭا باستاما ءبارى دە  ساتىمەن باستالدى. ءوزارا كومەك ، ءوزارا سيلاسىم ءبارى دە دوستىق ، ساباقتاستىق اتتى ءبىر كەمەنىڭ ۇستىندە ءوز اۋەنىمەن ءوتىپ جاتتى.

    مەنىڭ وسى ءبىر جىلدا ەڭ ەسكە الۋعا تاتيتىن ەلەستەرىمىنىڭ ءبىرى كومپيۋتەرگە قىزىعىپ قالۋ ەدى. اپتا سوڭىنداعى دەمالىس كۇندەرىنىڭ ءبىرى ەدى. ساباقتاسىمىنىڭ ءبىرەۋى ماعان بىرلىكتە بازار ارالاپ كەلۋدى ايتتى . مەندە قۇپتاي جونەلدىم ، ەكەۋىمىز قايناعان قان بازاردا ءبىر سات ارالاعاننان كەيىن ول ماعان توراپحاناعا كىرەيىك دەدى، مەن وعان كوميۋتەر ويناي المايتىندىعىمدى ايتتىم . ول وقاسى جوق مەن ساعان ۇيرەتەمىن دەدى . سوسىن ەكەۋىمىز ەكى كومپيۋتەردىڭ الدىنا وتىرا كەتتىك ، ول انشەيىن ودان سالسا بۇدان شىعىپ ، ساقىلداتا جونەلگەندەي بولدى ، مەن قالاي باسقارىپ قالاي جۇرگىزۋدى بىلە الماي ساسقالاقتاپ قالدىم . سوسىن ول كوكەك نومەرىڭ بارما ، دەمەسى بارما ، مەن ونىڭ قانداي نارسە ەكەنىن سوندا بارىپ تۇسىندىم . ول ماعان ءبىر كوكەك نومەرىن تىزىمدەتىپ الىپ بەردى. وعان دوس قوسۋ قاعيداسىن دا ۇيرەتتى . ءارىپ باسۋ دەگەنىڭىزدى ايتا كورمەڭىز سۇق ساۋساعىممەن ءبىردەن تەرىپ جۇرىپ ارەڭ زورعا 你好?你在哪儿? دەگەن سياقتى سوزدەرى ازەرگە جازىپ جۇردىم . ءبىراق سودان باستاپ مەنىڭ كومپيۋتەرگە دەگەن قۇشتارلىعىم باستالدى. كوكەك ارقىلى دوس تابۋ ، سىرلاسۋ ، توراپتاردى سەيىلدەۋ ، تۇرلى سۇحباتتارعا قاتىناسۋ ، ماقالا جولداۋ دەگەندەرى ءبىر بىرلەپ ۇيرەنە باستادىم . سوسىن اپتا سوڭى بولاقالسا بولدى توراپحاناعا قاراي شاقپىلايتىن بولىپ الدىم. اۋەلى كەي كەزدەردە تۇن بويى توراپحانادا بولىپ قايتاتىن كۇندەرىم دە بولدى. ءبىراق مەن ءار قانداي توراپ ويىنىنا قۇمارتپادىم ، تەك كومپيۋتەر تۋرالى بىلىمدەردى  ۇيرەنۋدى نەگىز ەتىپ جۇردىم .توراپتا ءبىر قانشا قىز بالالارمەن دە تانىستىم ، ءوزار سىرلاسىپ، حابارلاسىپ ،جاستىقتىڭ جالىندى سەزىمدەرىن جاندىرىپ جۇردىك.

    وسى جىلدارداعى تاعى ءبىر ەسكە الۋعا ءتيىستى جايتتەردىڭ ءبىرى مەنىڭ حانزۋتىلىن بەرىلە ۇيرەنۋ بارىستاىم دەۋىمە بولادى. مەكتەپ باستالۋ الدىندا ءبىزدەن حانزۋتلى ساۋيا  ەميحانىن الدى ، ۇيات بولعاندا مەنىڭ وسى جولعى ناتيجەم ۇيعىر ساباقتاستارىممەن سالىستىرماعاندا قازاق ساباقتاستارىمنىڭ ەڭ ارتىنا تىركەلىپ،  ارەڭ 4 - دارەجەگە ىلىندىم . وسى رەتكى ساتسىزدىك مەنىڭ نامىسىمدى قاتتى جانىدى، باسقا ساباقتاستاستارىم 7- ، 8- دارەجەنى ىركىلمەي الىپ جاتسا مەن نەگە ولاردان كەيىن قالايىن دەگەن وي كۇندىز تۇنى مەنى قاتتى مازالاي بەردى .اۋەلى ساباق ناتيجەسى جاقسى ساباقتاستارىم  مەنى ەلەمەۋگە دە اينالعانداي بولعانىن سەزىندىم . سوسىن ۇيرەنۋ كەرەك ، دەي كەلىپ ەڭ اۋەلى جەكە سوزدەردى جاتتاۋ ، كىتاپ كورۋ ، وقۋ ، سويلەم قۇراۋ سەكىلدى فورمالار ارقىلى  ءبىر جىل جانتالاسىپ جۇرىپ باسقا ساباقتاستارىمنىڭ قاتارىنا ىلىندىم . مىنە وسىدان كەيىن مەنى باسىپ تۇرعان اۋىر ويدان ارىلعانداي بولدىم . وقتۋشىلاردىڭ دا نازارىنا ىلىنە باستادىم ، كىلاستاعى بەت  - بەدەلىم دە قالپىنا كەلە باستادى...

    分享到: