• 2010/06/30

    جوعارى مەكتەپتەگى جولدار( ەستەلىك قاتىرەمنەن ۇزىندىلەر ) - [تاڭداۋلى ماقالالار]

     

    جوعارى مەكتەپتەگى جولدار

    (داشۋەدەگى 5 جىلدىق كۇندەرىمدى ەسكە العاندا )

    ورتا مەكتەپتىڭ سوڭى

    ول كەزدە مەن اۋىلدا ەدىم ، انام مەنىڭ جاقسى وقىپ كەلەشەكتە  قوعامدا جارامدى ادام بولۋىمدى اڭسايتىن دا مەنى وقۋدان قاقپايتىن .مەكتەپتەن قايتقاننان كەيىن تاڭەرتەڭ كەش ءۇي شارۋاسىنا كومەكتەسەتىنمىن . اۋىلدىڭ سول ءبىر تۇگەمەس تىرلىگى ، كۇندەلىكتى كۇيبىڭى وسىلاي جالعاسا بەرەتىن . كەيىن ورتا مەكتەپكە تۇسىپ اۋدان ورتالعىنداعى جاتاقتى مەكتەپكە جاتىپ وقىدىم . مەكتەپتە الدىڭعى وقۋشىنىڭ ءبىرى بولماسامدا ساباقتا تۇرلى قيمىلداردا  وتە تىرىسشاڭ ەدىم . بۇل اراعا كەلگەن سوڭ  ادەبيەتكە قىزىعۋىم بۇرىنعىدان دا ارتا تۇستى . مەكتەپتىڭ تۇرلى ادەبي قيمىلدارىنىڭ بارىنە قاتىناسىپ جۇردىم ، وسىلايشا مەكتەپ باسشىلارى مەن وقىتۋشىلاردىڭ نازارىنا ىلىنە باستادىم .كوزدى اشىپ جۇمعانشا  ورتا مەكەپتى تاۋىسىپ، جوعارى مەكتەپكە ەمتيحان بەردىم دە ، شينجاڭداعى ادەتتەگى ءبىر جوعارى مەكتەپتىڭ حانزۋءتىلى ادەبيەت كاسىبىنە قابىلداندىم . مەنىڭ ناعىز تۇرمىسىم مىنە وسى جوعارى مەكتەپ تابالدىرىعىن اتتاپ كىرگەن كۇننەن باستالدى .

    اتتانۋ الدىنداعى الاساپىران كوڭىل كۇي:

    جوعارى مەكتەپ شاقىرتۋىن قولىما العان كۇننەن باستاپ مەنىڭ كوڭىلىمدە ءبىر تۇرلى قۇلازىۋ مەن الاڭداۋشىلىق پايدا بولا باستادى . ءدال تامىز اينىڭ ورتا شەنى ، ساباقتاستارىمىزدىڭ كوبى تالەيى وڭىنان كەلىپ ارمانداعان مەكتەپتەرىنەن شاقىرتۋ الىپ ، اۋىلداعى تۋىس تۋعاندارى مەن دوس جاراندارىنا قوشتاسىپ اتتانۋ شايىنا الىس جاقىننان اعايىندارىن شاقىرىپ ، اق سارباس قويىن سويعىزىپ ۇلى دۇبىر توي جاساپ مارە - سارە بولىپ جاتتى .  ال مەن سەميا جاعدايىن ويلاسام وقعىم كەلمەي ، انامدى ويلاسام ۇمىتىن جەردە قالدىعىم كەلمەي اۋىر ويدىڭ ارپالىسىندا  جۇردىم .اقىرى بۇل ويىمدى انانىڭ اق سۇتىن اقتاۋ كەرەك دەگەن ءبىر ۇلى كۇش باسىپ تۇستى دە  ارمانداعان الىس ساپارىما اقىرى اتتاندىم .

     

    جالعاسى كەلەسى جولدامادا ...

    分享到: