• 2010/06/08

    «تۇلپار مەكەنى» حالىقارالىق ساياحات مەرەكەسىنىڭ جوباسى بەلگىلەندى - [حابار - وشار]

    «تۇلپار مەكەنى» حالىقارالىق ساياحات مەرەكەسىنىڭ جوباسى بەلگىلەندى

    ءتىلشىمىز حۋ چۋانشىڭ حابارلايدى. مامىردىڭ 15 - كۇنى 2010 - جىلعى 2 - كەزەكتى شينجياڭ ىلە تۇلپار مەكەنى حالىقارالىق ساياحات مەرەكەسىن ۇيىمداستىرۋ كوميسسياسى قىزمەت ءماجىلىسىن اشتى، وبلىستىق پارتكومنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى، ساياسي - زاڭ كوميتەتىنىڭ شۋجيى جاڭ يۇن ءماجىلىستى باسقاردى.

    جاڭ يۇن ماجىلىسكە قاتىناسقاندارعا «2010 - جىلعى 2 - كەزەكتى شينجياڭ ىلە تۇلپار مەكەنى حالىقارالىق ساياحات مەرەكەسىنىڭ جالپى جوباسىن» حابارلاندىردى. كەزەكتە بۇل جوبا وبلىستىق پارتكوم مەن ۇكىمەتتىڭ ماقۇلداۋىنان وتكەن. جالپى جوبانىڭ ورنالاستىرۋىنا نەگىزدەلگەندە، 2 - كەزەكتى شينجياڭ ىلە تۇلپار مەكەنى حالىقارالىق ساياحات مەرەكەسى ماۋسىمنىڭ 20 - كۇنى رەسمي اشىلادى ەكەن. ساياحات مەرەكەسىنىڭ جالپى قيمىل ۋاقىتى ماۋسىمنىڭ 20 - كۇنىنەن شىلدەنىڭ 20 - كۇنىنە دەيىن جالعاسىپ، نارات كورىنىس رايونى مەن وبلىسقا توتە قاراستى اۋدان - قالالارداعى جانە قورعاس شەكارا وتكەلىندەگى ءتۇيىندى كورىنىس رايوندارىندا وتكىزىلەدى ەكەن.

    ۇعىسۋعا قاراعاندا، 2 - كەزەكتى شينجياڭ ىلە تۇلپار مەكەنى حالىقارالىق ساياحات مەرەكەسىن ۇيىمداستىرۋ كوميسسياسى جانە ونىڭ قاراماعىندا كەڭسە قۇرىلىپ، اۆتونوميالى رايوننىڭ ورىنباسار ءتوراعاسى حۋ ۋەي ونىڭ قۇرمەتتى مەڭگەرۋشىسى بولعان، ۇيىمداستىرۋ كوميسسياسى كەڭسەسىنىڭ قاراماعىندا قىزمەت جانە مادەنيەت - كوركەمونەر قيمىلدارى گرۋپپاسى، اماندىقتى قورعاۋ جانە ورتا تازالىعى گرۋپپاسى قۇرىلعان. ساياحات مەرەكەسىنىڭ باستالۋ سالتى نارات ساياحات كورىنىس رايونىندا وتكىزىلىپ، كۇنەس اۋداندىق ۇكىمەت پەن نارات ساياحات كورىنىس رايونىن باسقارۋ كوميتەتى مىندەتىنە الادى. سونىمەن بىرگە، قازاق ۇلتىنىڭ سالت - ساناسى مەن ءداستۇرلى مادەنيەتىن بەينەلەيتىن ويىن نومىرلەرى قويىلادى جانە كولەمدى الاۋ كەشى وتكىزىلەدى. ماۋسىمنىڭ 21 - كۇنىنەن شىلدەنىڭ 20 - كۇنىنە دەيىن نارات ساياحات كورىنىس رايونى جەلىلەس قيمىلدار وتكىزەدى، وبلىسقا توتە قاراستى اۋدان، قالالاردا ساياحاتتى نەگىزگى تاقىرىپ ەتكەن قيمىلدار ۇيىمداستىرادى ەكەن.

    جاڭ يۇن بىلاي دەدى: بۇل رەتكى ىلە تۇلپار مەكەنى حالىقارالىق ساياحات مەرەكەسىندە سالتاناتتى دا دۋماندى بولۋ، ەرەكشەلىكتى كورنەكتىلەندىرۋ، ۇنەمشىل دە شىنشىل بولۋ پرينسيبىندە تاباندى بولىپ، اۋداندار مەن قالالار بىرگە يگەرۋى، بازار اينالىمى فورماسىنان پايدالانىپ ءارقايسى اۋدان - قالا، قورعاس وتكەلى مەرەكەنى قۇتتىقتاۋ قيمىلىنا باسشىلىقتى كۇشەيتىپ، مەرەكە قيمىلدارىن ۇيىمداستىرۋ، جۇرگىزۋ قىزمەتىن ويداعىداي ىستەۋى كەرەك. جاڭ يۇن تاعى كەلەسى ساتىداعى قىزمەتتەردى ويداعىداي ىستەۋ جونىندە ورنالاستىرۋ جاسادى.

    ماجىلىستە ۇيىمداستىرۋ كوميسسياسى كەڭسەسىنىڭ، كۇنەس اۋداندىق ۇكىمەتتىڭ جانە نارات ساياحات كورىنىس رايونىن باسقارۋ كوميتەتىنىڭ 2 - كەزەكتى ىلە تۇلپار مەكەنى ساياحات مەرەكەسىنىڭ العاشقى دايىندىق قىزمەتتەرى جونىندەگى دوكلادى تىڭدالدى.

    分享到:

    评论

  • كۇنەس بىلوگىنا ۇسىنىس بەرىڭىز !