• 2010/06/05

    ەڭ كەرەك... - [ولەڭدەر]

    ەڭ كەرەك...

    (تاۋلى رايونداردا تۋىلعان قار اپاتىن كورگەننەن كەينگى وي)

    بەكمۇقامەت نۇردانبەك ۇلى

    ىقىلىمنان اتا- بابام كاسىپ قىپ ،

    تاڭداپ اپتى مالشىلىقتى ءناسىپ قىپ.

    كەڭ ءجازيرا قويناۋىنان تاسىپ قۇت ،

    تاۋ دالانىڭ تارلانى بوپ ماشىقتىق .

    دەگەندەي اق ، ءدال وسىدان باقىت كۇت ،

    4 تۇلىكپەن تىرشىلىكتە شاتىستىق .

    ەرتەلى كەش بايلىق جيماي باقىتتىق،

    ەرمەگىمىز ەشكى بولىپ جاتىپتىق.

    ءبىلىم باققان باعى باتپان باتستىق

    اي شارىنان حات جازعاندا فاكىس قىپ ،

    تاعىدىر بىزگە قىلعانداي اق تاقىستىق ،

    قازاعىما ءالى كۇنگە ات ىستىق .

    اۋجال ىزدەپ كوجە مەنەن قاتىقتىق ،

    جاز جايلاۋعا ، قىس قىستاۋعا اسىقتىق.

    ساي سالادا سارى شالدار سارتابان ،

    سان جىل بويى سارپالداڭمەن شارشاعان.

    شىڭعا شىقپاي ءبىر قۋىستان بايقاعان ،

    ويىندا ونىڭ ءورىس بار  دەپ ايتا المان .

    ورەلىككە ۇمتىلعاندا بارشا ادام،

    ءبىزدىڭ قازاق شىعا المادى قالقادان.

    ءتالىم السا وزگە بالا پارتادان ،

    ءبىزدىڭ قازاق اتتىق ءمىنىپ ارشادان

    جۇرگەن ۇلىن،  جارايسىڭ دەپ القاعان.

    50 قويىن بايلىعىم دەپ شالقادان

    جاتىپ الىپ ۋگايلاتىپ ايتادى ءان.

    بولاشاقتىق ويى وزباي بالتادان ،

    ۇرپاعىنا  اسقاق ارمان اڭساعان

    اق تاياعىن ۇستادى قايتادان.

    مىناۋ زامان نارىق بولىپ باعدارى ،

    ونەرلىلەر قارىق بولىپ سامعادى.

    ال قازاقتىڭ 60 قويلىق ارمانى ،

    60 جىلدان ارى قاراي بارمادى.

    بۇعان دالەل مىناۋ قالىڭ قارداعى ،

    ءبىر جۇتتىق بوپ ءبىزدىڭ بايدىڭ مالدارى ،

    تەرىسىن دە 6 سومعا المادى .

    كوك تيىندىق قۇنى دا ونىڭ قالمادى.

    ال ونەردىڭ مالىن باققان بايلارى ،

    قارى تۇگىل مۇز جاۋسادا تايمادى .

    بۇدان تەرەڭ وي الاتىن بارما جان ،

    وي الادى ، ويانادى قاي بالاڭ .

    مىناۋ عاسىر الاپاتتار جايلاعان ،

    ءتىلىم ءتىلىم تىنىمى جوق تار عالام.

    تىرشىلىككە سەنىمى دە قالماعان.

    باياعداي باياشاتتى باي دالام ،

    باق جۇلدىزىڭ باسىڭدا مىڭ جانباعان.

    جاراتىلىس دۇنيەسى جايراعان ،

    جىلامسىراپ كوز جاسى تۇر پارلاعان .

    ەندى قازاق ساي سالادا سالما ءان ،

    سايدا قالساڭ تىك ۇشار جوق سايلاعان،

    سالعانىڭمەن كومەك تىلەپ بايبالام .

    وگەيلەر دە   ونەر مالىن ايداعان

    دامىپ جاتىر،  دەمە وعان تاڭعالام .

    كولدەن تابار باقىتىمىز شولدە دەپ

    اداسپايىق، ەڭبەگىمىز سەلگە بوپ .

    اتام اباي مۇنى دا ايتقان تەرمەلەپ،

    ەرتە قامدان ەلگە ەسەڭدى بەرمە دەپ.

    بولاتۇعىن قىسىلعاندا زور مەدەت ،

    كورسەتەتىن قارسى الدىڭدا كومبە دەپ ،

    جۇتقا كەتپەس ، ۇشىرا الماس جەلدە كوپ ،

    قازاعىما  عىلىم ، ونەر  ەڭ  كەرەك.

     

     

    分享到: