• 2010/06/05

    سەزىمگە تۇسكەن سىزاتتار... - [ولەڭدەر]

    سەزىمگە تۇسكەن سىزاتتار...

    بەكمۇقامەت نۇردانبەك ۇلى

    كوتەرەم اتتاي كوتەرمەي كەيدە قامشى اۋىر،

    قۇلازىپ قالام كوشكەندەي قىرعا مالشى اۋىل.

    كوڭىلدىڭ بۇلتى باسىنا تۇنەپ حانتاڭىر ،

    مۇز بولىپ جۇرەك جىبمەي جاتىر جان تامىر.

     

    ايعايعا ەرىپ دۇرمەككە ەلەڭ ەتپەگەن،

    جان ەدىم جازدىڭ جايما شۋاعىن كوكسەگەن.

    بابامنىڭ باسى دومالاپ جاتقان تەكشەدەن ،

    تەبەندەپ تۇرعان تەڭسىزدىك كوردىم كوپتەگەن.

     

    ادامدا سەنىم ازايىپ كەتتى بۇل كۇندە ،

    جاعىمپاز جاننىڭ تاسى ورگە قاراي جۇيگۋدە.

    بيلىكتىڭ شەنىن جامىلىپ العان تينامداي

    قۇمىرسقاعا جەتپەيدى كۇشى ءپىلدىڭ دە .

     

    ازعىنداپ اقىل اقشاعا اۋىپ اڭسارى،

    شيەتتەي بالا شىندىقتان شەتتەپ تايسادى.

    قالتالىلاردىڭ تيرمەن تارتىپ شايتانى ،

    كەمباعالداردىڭ جازىلماي بەلى شارشادى.

     

    جوعارىنىڭ ءسوزىن قۇرانداي كورىپ جاتتايتىن ،

    كورسوقىر باسشى كوبەيدى كوزىن اشپايتىن.

    اۋزىندا اسەم مارجانداي ءسوزىن باپتايتىن

    اقىندار ازبا اڭگۇدىك اكىمىن ماقتايتىن.

     

    قۇلقىنعا قۇل بوپ ، قۋلىعىنا قۇرىق باتپايتىن،

    ازەزىلدەر كوپ اڭعالدىڭ اسىن اتتايتىن.

    تامىرىن تەرەڭ تارتپاعان ۇرپاق الدىندا ،

    اتالار ازبا اللاھۋاكبارىن ايتپايتىن .

     

    ءمارىت زامان مىناۋ ماحابباتتا مايەك قالماعان،

    سۇلۋدى كورسە سۇقتانىپ  جىگىت  الداعان .

    قورلاندار قايدا ومىرگە بولعان ارمان ءان ،

    ەستى جان بارما ەستايدىڭ جولىن جالعاعان.

     

    بۇعاۋلاپ سانا سەزىمدى كۇندە دىرقى ويىن ،

    قىرىق كۇن جالعاپ جاتقاندار دا بار ءبىر تويىن .

    ەسەرلىك جايلاپ ەسسىزدەۋ كەتسەڭ جىرشى ەلىم ،

    شورت ۇزىلەدى - اۋ، مەندەگى بەرىكءبىر سەنىم !

     

     

    分享到: