• 2010/06/05

    ساعىنش جىرلارى - [ولەڭدەر]

    ساعىنش جىرلارى

     

    بەكمۇقامەت نۇردانبەك ۇلى

    بەيۋاقتا جانىم مەنىڭ ءجاي تابا الماي،

    قىم-قۋىت كۇي كەشەمىن شارشاعانداي.

    ەلەڭدەپ ەكى كوزىم جولدا تۇرمىن ،

    مامىردىڭ جولىن توسقان قالقامانداي.

     

    كىم مەنى وسىعۇرلى ساعىندىرعان،

    بۇعاۋلاپ بار سەزىمدى تابىندىرعان.

    قارايمىن ءالسىن ءالى تەلەفونعا ،

    دەگەندەي داۋىسىڭا جانىم قۇربان.

     

    جوق ءالى تەلەفوننىڭ شىرىلى دا ،

    بولعانداي شاتتىعىمنىڭ كۇنى جۇدا.

    اڭساۋمەن ءالى وتىرمىن ايعا قاراپ،

    جامىلىپ اق ساۋلەسىن  يىعىما.

     

    اۋىرلاپ يىقتا جۇك، جۇرەكتە مۇڭ ،

    وتكەردىم تالاي تۇننىڭ تۇنەكتەرىن.

    ساعىنعاندا شىركىن - اي جەتەرمە ەدىم ،

    ەسىپ - ەسىپ ەركەمە جىر ەسكەگىن.

    ***********************************************************

    ساعىنعاندا مەن سەنى سارى تاڭداردا،

    تابا الماي جان كۇيىمدى ايتار جان دا .

    بوز دالادا ۇلىعان اش بورىدەي ،

    ءبىر مازاسىز تۇسەمىن سارپالداڭعا .

     

    سەزىمگە سەكسەۋىلدىڭ شوعىن سالىپ،

    كەتتىڭ دە قۇرىپ جۇرسىڭ ويىن - ساۋىق.

    سەن كەتكەن جولىڭداعى سول ەلەسكە ،

    قاراۋمەن تۇرمىن ءالى  مويىن تالىپ.

     

    اۋىق - اۋىق اۋىر مۇڭ  اراسىنان ،

    ىزدەيىمىن باس كوتەرىپ جاناشىر جان.

    كورسەم دە ساعان ۇشىپ بارا المايىمىن ،

    ايرىلعان قارلعاشتاي قاناتىنان.

     

    جانىما پانا بولماي عاشىق ولكەم ،

    سەن مەنى مازالادىڭ اسىل ەركەم .

    ساعان دەگەن وسى ءبىر ىنتىق سەزىم ،

    كەتپەسىن كوڭىلىمنەن قاشىپ ەرتەڭ.

    ماڭگىلىك ساعان عانا عاشىق بولىپ ،

    ارمانىم جوق كەۋدەمە باسىپ ولسەم .

     

    分享到: