• 2013/01/22

    ساناعا سابىر ورناسىن - [ولەڭدەر]

    ساناعا سابىر ورناسىن

    بەكمۇقامەت نۇردانبەك ۇلى

    (راديونى اشا قالسام، ا ق ش تاعى ءىشنارا مەكتەپتەردەگى اتا-انالار بالالارىنا ارناۋلى وق وتپەيتىن كيىم بۇيىرتۋدا، بۇدان كەيىن بالالارى مەكتەپكە وققاعار كيىم كيىپ بارماق. -دەپ حابارلاندىرىپ تۇر ەكەن.)

     

    اۋاداي قاجەت ادامعا اركەز تىنىشتىق ،

    تىنىشتق دەگەن قىمباتتى ءومىر ءبىر ىستىق.

    قاس قاعىم ساتتە باسىڭا تونسە بار پالە ،

    ءومىردىڭ قۇنى كاۋاپقا جەتپەس ءبىر ءىستىك .

     

    باي دالام بۇگىن بارشاعا باقىت باعىشتاپ،

    دامۋدىڭ تاڭى دابىلىن قاقتى داۋىستاپ.

    وركەنىڭ وسكىر وركەنيەتتە ورگە وزىپ،

    مەشەۋلىك پەنەن ەسەرلىك قالدى الىستاپ.

     

    بالالىق شاقتىڭ تاڭدارىن جۇرمىن تاعى اڭساپ،

    ول كۇندەر شىركىن قايعىسز ەدىك بالاۋسا اق.

    انامنىڭ بەرگەن اق قۇرتىن سالىپ اۋزعا،

    قايتۋشى ەك كەشكە الاڭسىز ويناپ ءارى ءان ساپ.

     

    ول كەزدە بىزگە حاۋىپتە ءتونىپ تۇرمايتىن،

    اعاسىن ءىنى ، اكەسىن بالا ۇرمايتىن .

    ول كەزدە ءتىپتى قاراڭعى تۇندە قالسادا ،

    ۇنامسىز ىستەر بولمايتىن توناپ-ۇرلايتىن.

     

    ول كەزدە بىزدەر قۋرايدان مىلتىق جاساپ اپ،

    جايراتۋشى ەدىك «جاۋ جاقتى» جەرگە جاتا قاپ.

    ۇلكەندەر كورىپ جامان ىرىمدى باستاما

    دەپ ۇرساتۇعىن ايتپاساداعى اشالاپ .

     

    ال بۇگىن دامۋ بارشاعا بەرىپ تىڭ تەبىن،

    تەنتەكتەر تەكسىز تايپالا باستى تىرسەگىن.

    قالادا ياكي دالادا وسكەن بالانىڭ ،

    كوكىرەگىنە ورنادى ءتۇرلى ۇركەك ءۇن.

     

    قازىرگى بالا قۋرايدان مىلتىق اتپايدى،

    تەلەفون ۇستاپ، توراپتىڭ بەتىن تاپتايدى.

    مەكتەپتەن قايتسا الدىنان شىعىپ اجەسى ،

    ال تۇندە كوزدەن تاسا بوپ اركەز جاتپايدى.

     

    قازىرگى مىناۋ ءار ءۇيدىڭ شولجاڭ ەركەسىن ،

    باسىنان سيپاپ بوس بەلبەۋ قىلدىق مەنشە تىم.

    قوراعا تۇسىپ قوعامدىق دەرتتەي قورقىنىش ،

    اتا - انالاردىڭ ەڭىستەتۋدە ەڭسەسىن .

    قۇلاعىم شالدى، ەرتەڭ اق ونى كوز كورەر ،

    تىنشتعىمنىڭ تىنمى كەتسە ەل نەدەر .

    ۇرەيى ۇشقان اتا-انا بايقۇس الاڭداپ ،

    وققاعار كيىم بالاسىنا ىزدەپ سەندەلەر.

     

    قامىستان قورقىپ قويانداي بۇققان نە تىرلىك،

    مىنە بۇل ادام كەلتىرىپ شىققان كەسىرلىك.

    اقىل مەن ءبىلىم سۋارىلماسا سابىرمەن ،

    سوراقىلقتار سوپاڭداپ شىعار نە سۇمدىق.

     

    كەشەگى كۇندى اڭساعانىڭمەن امال جوق ،

    دامۋعا بۇگىن بوگەتتە بولار داۋال جوق.

    ساناڭا سابىر ورناتا الماساڭ ادامدار ،

    ەرتەڭ اق بىزگە تونەتىن تۇندەي زاۋال كوپ.

     

    分享到: