• 2012/07/19

    ورتەلگەن حاتتار... - [ولەڭدەر]

     

    تىرناپ اشىپ جۇرەگىمنىڭ جاراسىن،
    مازاسىز وي قايدا اكەتىپ باراسىڭ .
    مازا بەرشى، ۇمىتايىن بارىندە
    وتقا تاستاپ وتكەن كۇننىڭ نالاسىن.

    وتقا تاستاپ ەلەسىڭدى ەسكىرگەن ،
    كوز جاسىمدى وت باسىنا توكتىم مەن.
    جانىپ جاتقان جالىنداردىڭ ىشىنەن
    كۇندەرىمدى قيماي تۇرمىن كوپ كۇلگەن.

    الاسۇرعان وتقا كەتىپ شاتتعىم ،
    كەۋدەم تولى كەرمەك تاتىپ جاتتى مۇڭ.
    قول ۇستاسىپ تۇسكەن كەزدە كىم بىلگەن
    وتقا تۇسىپ ورتەنەرىن ءتاپ بۇگىن .

    سەزىم تولى حاتتارىڭنىڭ پاراعىن ،
    بىردەن اشىپ ەڭ سوڭعى رەت قارادىم.
    ءوز قولىممەن العاش اشقان كانۋەرت
    كىم ويلاعان كۇل بوپ بۇگىن جانارىن.

    پاك سەزىمدەر اق پاراققا جازىلعان ،
    سەندە جازىق بار دەمەيمىن جاڭىلعان.
    ەڭ العاشقى سيلاعانىڭ قۋانىش ،
    ال سوڭعى رەت پىر – پىر ۇشتىڭ باعىمنان.

    گۇر ەتكەندە جانعان وتتىڭ جالىنى ،
    سەكىلدەندى نايزاعايدىڭ ساعىمى .
    حاتتار ەمەس بارا جاتىر ورتەنىپ ،
    ەكەۋ ارا ماحابباتتىڭ قازىعى .

     

     

     

    分享到: