• 2012/03/02

    ايىمدار مەرەكەسىنە - [ولەڭدەر]

    ايىمدارعا اق شاشۋ

    (8-ناۋرىز حالقارالىق ايەلدەر مەرەكەسى مەرەيلى بولسىن!)

    بەكمۇقامەت نۇردانبەك ۇلى

     

    العىس الىپ جارالعانداي اللادان،

    وزدەرىڭدى قۇرمەتتەيدى بار عالام.

    سەندەر امان بولىڭدارشى ايىمدار ،

    ماحابباتپەن تىرشىلكتى جالعاعان.

     

    ماحابباتتىڭ نۇرعا بولەپ اسپانىن ،

    ايەل باردا جالعاسادى جاقسى ءانىم .

    ايەل باردا سۇلۋلىقتان سۋسىنداپ ،

    ۇمىتىلادى شىرىق بۇزار شاقتارىم .

     

    ايەلدەر-اي ، اي مۇسىندى  ايىمدار ،

    جانارىڭدا جانىپ تۇرعان جالىن بار.

    جارتى الەمدى جاۋلاپ الىپ بۇل كۇنى

    قولدارىڭا قاراپ وتىر سان ۇلدار.

     

    جانى جايساڭ جاعالاعان جاقسىنى ،

    جان جارىمەن بولىسەتىن ءتاتتىنى .

    بولعانىمەن اندا - ساندا اشتى ءۇنى ،

    ايەلسىز تۇن ءدال تامۇقتىڭ ناق تۇنى.

     

    ايەلسىز كۇن اقپانداعى اق قىراۋ ،

    سوندىقتان دا قاجەت بىزگە باس قۇراۋ.

    سۇيگەنىڭمەن مارە سارە كۇيگە ەنۋ ،

    عالامداعى تابىلمايتىن شاتتىق-اۋ .

     

    شات زاماننىڭ جاڭارعاندا ساناسى،

    ايەلدەردىڭ اسپاندادى باعاسى .

    ايەل دەگەن بۇگىن ارۋ، ال ەرتەڭ

    ازاماتتىڭ ارداقتايتىن اناسى .

     

    كەيدە بىزگە ەسە بەرمەس اساۋلار.

    بىزدەن تىلەك سەندەر امان جاساڭدار.

    قۇتتى بولسىن ناۋرىزىڭ مەرەكەڭ ،

    باقىتتى بوپ بارشا جۇرتتان باتاڭدى ال.

     

     

    (كۇنەس اۋداندىق راديو-تەلەۆيزيا مەكەمەسى )

     

    分享到: