• 2011/06/24

    قولىڭدى بەر قۇلىنىم - [ولەڭدەر]

    تاعدىر سولاي تالەيىڭدى جازعاسىن،

    سۇرىنەسىڭ سوقپاقتاردا سان قاتىم .

    ءبىراق جانىم وتىنەرىم وزىڭنەن ،

    سەنمىڭە سەلكەۋ تۇسىپ قالماسىن.

     

    جاۋعا بەرمەس تالاس پەنەن تارتىستا .

    سەنىم دەگەن سەمسەرىڭ ول سەرت ۇستا،

    ماحابباتتىڭ مايدانى دا جەكپە- جەك ،

    تاباندىلار جەڭىپ شىققان ءار تۇستا .

     

    بۇلاڭداتىپ قارا قىزدىڭ بۇرىمىن،

    بۇلا جىرعا قوسسام تالاي قىلىعىن.

    بال ماحاببات ءبىرى شاتتىق ، ءبىرى مۇڭ،

    بالالىقپەن الدىم تالاي تىنىمىن.

     

    ەندى سەنىڭ باعىڭ بولىپ باقىتىڭ،

    تەك سەن ءۇشىن ءوتسىن ءاربىر ۋاقتىم.

    قولدا باردا قادىرلەيىن مەن سەنى ،

    قولدان شىعىپ وكىندىرمە  جاقۇتىم .

     

    اق تىلەۋىن وراپ اپپاق ۇلدەگە ،

    انام بايقۇس كورپە قاپتاپ كۇندە دە .

    بوساعاسىن قىزارتۋعا بەكىپ جۇر ،

    قاشان كەلىن تۇسەدى دەپ ىرگەگە.

     

    ءبارىن ءوزىم تاستايتىنداي تىندىرىپ ،

    ءارقيالعا مىڭ شىعامىن ، مىڭ كىرىپ.

    ەندى انانىڭ اقتاماساق اق سۇتىن

    تاپقانىنا وكىنەر- اۋ،  ۇل قىلىپ .

     

    دەگەن ويعا تياناقتاپ  تىنستاپ ،

    مەن وزىڭە ءسوز سالىپ ەم دۇرىستاپ.

    ال قوسىلساڭ قولىڭدى بەر قۇلىنىم ،

    قولداسايىق بىلەكتەردى ءبىر ۇستاپ...

    分享到: