• 2011/03/22

    ارۋاعىڭمەن قولداي جۇر... - [ولەڭدەر]

    ارۋاعىڭمەن قولداي جۇر...

    بەكمۇقامەت نۇردانبەك ۇلى

     

    باعاسىنا باسقانىڭ باس قاتىرماي،

    ءوز باعامدى السامشى ات باسىنداي.

    شەشىلمەيتىن تاعىردىم ءبىر تەڭسىزدىك ،

    ال عۇمىرىم ءدال سونىڭ جاقشاسىنداي.

     

    وتەدى ءومىر ۋاقىت كۇتتىرمەيدى ،

    جەتەدى اجال ءبىر كۇنى ءبىتتىڭ دەيدى.

    ءبىز دە وتەمىز ومىردەن وستىپ جۇرىپ ،

    باعامىزدى ەل ۇقپاسىن ، ۇقسىن مەيلى.

     

    از عۇمىردا ارىمدى ازىق قىلىپ ،

    وتەر بولسام جارار ەد جازىپ- سىزىپ.

    نە قىلايىن باسقانىڭ پالساپاسىن ،

    الارىمدى الايىن قازىپ تۇرىپ .

     

    الارىمدى العانشا قازىپ شىعىپ،

    كەتپە مەنىڭ بويىمنان شابىت قۇرىپ.

    جيىرمامنىڭ جالىنىن جالىنداتپاي

    وتىزىمدا جۇرەمبە ساۋىق قۇرىپ.

     

    ءتىرى جۇرىپ تىرىپ ەتپەي جاتام قالاي،

    و، تالابىم ،  تايپالعىن تاساڭداماي.

    ارۋاعىڭمەن قولداي جۇر ۇلى بابا-

    اباي ، مۇحتار، ءبىر جان سال، اقاندار اي...


    分享到: