• 2011/01/27

    ناۋرىزعا نار تىلەك - [ولەڭدەر]

    ناۋرىزعا نار تىلەك

     

    جىلدىڭ باسى   ىرىستى ناۋرىزىم ،
    كوڭىلىمنىڭ ەرىتتىڭ قارى مۇزىن .
    ءوزىڭ كەلىپ مىنەكي جابى جىرىم ،
    اشىلارداي القىندى باعى بۇگـىن .
    سىنباسا ەكەن يلاھيىم  ساعى بۇگىن .

    باق داۋلةتتىڭ باستاۋى كيةلى كۇن ،
    سةندة جاتىر ءبىر تةرةڭ كيةلى ۇعىم .
    قازاق دةگةن وسىناۋ جىر ەلىنىڭ ،
    جىردان ساۋعا بەرەتىن تۇلەگىمىن.
    ناۋرىز قۇتتى بولسىن مىنە بۇگىن .

    ناۋرىز كوكتەمەنىڭ باستاماسى .
    تەڭەلگەن كۇنمەن تۇننىڭ اق قاراسى .
    مالىنىپ مالشىلاردىڭ اققا باسى ،
    شاتتانىپ شالدارى دا جاس بالاسى ،
    توي بولدى وي مەن قىردىڭ استاناسى.

    مۇنداي شاقتا اۋىلدى ەسكە الامىن ،
    ەسكە الماسام تۇسەدى قاس - قاباعىم .
    انام بايقۇس جۇرمە ەكەن اڭقالاڭداپ ،
    كوتەرىپ اپ قولىنا قوس تاباعىن .
    جالعاۋعا ەلمەن ەلدىڭ دوس قادامىن .

    قۇلاعىنان پا ، شىركىن ماي اعىزعان ،
    قارا قازان تۇرما ەكەن جانا  قىزعان .
    مايىن الىپ قاشۋشى ەك شالا پىسقان ،
    ماڭايلاعان قىزعانىپ قارا قىزدان .
    كەتپەيسىڭ - اۋ بال كۇندەر سانامىزدان .

    جەتى تۇرلى داممەنەن  ءسانى كەلگەن ،
    ناۋرىز كوجە  بولەك قوي ءدامىڭ ەلدەن .
    اپام ماعان ىشكىزگەن سول كوجەنىڭ ،
    باسا الماي جۇرمىن توعىن  الىگە  مەن .
    نەدەگەن  ءدانىشپان ەڭ دارىگەر  ەڭ  .

    ىشكەن  سايىن  ءوزىڭدى بالقىپ دەنەم  ،
    قۋات   ءبىتىپ  بويىما  شالقىپ كەلەم  .
    و ، اپامنىڭ جاساعان قۇرىت كوجەسى ،
    مەن سەنى كىندىجىيدەن  ارتىق كورەم .
    ساعىنام سەنى كەيدە تالتۇستە مەن .

    و ،مەنىڭ ءبىيداي كوجەم  قاتىعى بار ،
    سەنى ىشسەم  جاسىقتىعىم  جاسىرىنار .
    سەنى ىشسەم  ءبىر جاسىما ءبىر  جاس كىرىپ ،
    ارمانىما جول الام باسى مۇنار .
    بالالارىم قولداي گور  جاسىنى  بار  .

    ناۋرىزىم كەل بەرى دامىلداعىن ،
    ءوزىڭ كەلسەڭ قالمايدى جانىمدا مۇڭ .
    و ، ۇلىستىڭ ۇيقى  اشار ۇلى كۇنى ،
    ءبىزدى وسىنداي قۋانىشتان ايىرماعىن .
    كۇن تۋسىن باس قوساتىن تاعى دا مىڭ .

    بايلايتىن بەلدەۋىنە باسىرەسىن ،
    قازاعىم قانداي ۇلى قاسيەتىڭ .
    و ، ناۋرىز ماڭگىلىك جالعاسا بەر ،
    قازاقپەن ەگىز تۋعان اسىل ەسىم .
    سالتىمسىڭ ولە - ولگەنشە باس يەتىن .

    分享到: