• 2011/01/27

    تىلشىلەر مەرەكەسىنە ارناۋ - [ولەڭدەر]

    ءبىر ادام بار .......

    بەكمۇقامەت نۇردانبەك ۇلى

    ( الەم استىن احباراتپەن قامداعان ، باعتىنان تانباعان ، اياۋلى جاپاكەش ءتىلشى اعا - اپەكەلەرىمىزدىڭ الداعى مەرەكەسى مەرەيلى بولعاي!  )

    بار ادامنىڭ باقىتىنا بايلانىپ،
    ءبىر ادام بار وتىرمايتىن جايلانىپ.
    حابار ىزدەپ اپپاراتىن  ايعا الىپ،
    شىقساداعى شارشامايتىن ءجاي قالىپ،
    بۇل نەدەگەن قاسيەتكە باي حالىق.

    جاتپاسادا جازعانىنان پايدا الىپ،
    رولى بار قوعام ءۇشىن اينالىق.
    وتان ۇنىن ،پارتيانىڭ باعىتىن،
    بار حالىققا جەتكىزەتىن شام جاعىپ.
    ءبىر ادام بار تابىسى ونىڭ تاۋ حالىق.

    ءجايىن ونىڭ جۇرىت تۇسىنە بەرمەيتىن،
    تۇسىنسە دە  كوپتەپ كوڭىل  بولمەيتىن.
    كوزبەن كورمەي سىلدىر سوزگە سەنبەيتىن ،
    رۋحاني دۇنيەڭدى ەمدەيتىن ،
    ءبىر ادام بار ەرىپ تۇرىپ ەل دەيتىن ..

    تۇسىرۋگە الشىسىنان اسىعىن،
    اسىعاتىن ارداق تۇتىپ كاسىبىن.
    بۇل قوعامنىڭ ءان قىپ ايتىپ اسىلىن،
    جورگەگىندە تۇنشىقتىرار پاسىعىن،
    ءبىر ادام بار اتى - ءجونى  جاسىرىن.

    قۇلاعى ساق ،كوزى وتكىر قولى تەز،
    جۇرەگىنە جولاتپايتىن ءولى ءسوز.
    دىلىڭمەنەن  ،  تىلىڭمەنەن  مەنى سەز،
    دەپ تۇراتىن ءبىر ادام بار ونى سەز...

    ونى سەزسەڭ ونىڭ اتى ءتىلشى عوي،
    كوكىرەگىنەن تەبىندەگەن ءبىر تىڭ وي.
    كورسەتپەستەن اتاعىنىڭ تۇرقى بوي ،
    ارقالاعان اۋىر مىندەت كۇن - تۇن ول،
    ەڭبەگى ەگەي احباراتتىڭ  كىلتى عوي.

    ەل جاتسادا جاتپايتۇعىن ەلەكەم ،
    اشىپ ايتار اق - قارانى تورە سەن .
    بۇگىن سەنىڭ باقىت كۇنىڭ مەرەكەڭ،
    بار حالىقتى شاتتىعىڭا بولە سەن .
    تىلشىلەرىم سەن امان بول ، سەن ەسەن!!

    分享到: